模特兒楊紫煒（Nicole）出身小康之家，經歷突如其來的家庭巨變後，被迫放棄學業，投身模界賺錢養家。有7年模齡的她，立志努力儲首期，買樓孝順媽咪！
身為家中獨女的Nicole，父親是工程師，本來生活無憂，完成中三學業後，家人安排她往加拿大升學，前途無可限量，但完成一個學期後，突然傳來父親患病的消息，她被迫返港讀書。完成中五後，她成功考獲港大副學士，但只讀了一年，便因經濟問題而輟學，並隨即投身模界賺錢養家，而父親亦在四年前逝世。
影壇初試啼聲
遭逢巨變的她，豁達面對生命中的起跌：「呢啲事每個人都會經歷，只係較早發生喺我身上，所以我更加珍惜同家人相處。我係屋企嘅經濟支柱，要好畀心機賺錢，希望儲到買樓嘅首期，始終屋企重要啲，賺到錢遲啲再進修。」七年來，她主力模特兒工作，但不如意事十常八九，她曾被客戶嫌太瘦而被Out，拍UA廣告時，又因穿高踭鞋行石板街而頻頻拗柴，以致膝蓋撞到鐵櫈而「噴血」，至今仍留有明顯凹痕！
由於外表斯文兼白白淨，Nicole成為廣告商寵兒，年前更有幸拍攝電影《我要做Model》，她說：「個角色都係做Model，我做鄧梓峰女友，第一次拍戲先發覺自己有少少咬字唔正，有懶音。」
Profile
姓 名：楊紫煒（Nicole）
出生日期：85年3月22日
身 高：174cm
三 圍：32、24、34
廣 告：Rejoice洗頭水、KFC、麥當勞、美心快餐、
新世界Shopping Mall等
電 影：《我要做Model》
電 視：無綫J2台《愛情研究院》