傅穎（Theresa）出道時以清純形象俘虜萬千少男心，隨着年齡及上圍增長，她逐漸轉行性感路線，昨日更穿上低胸跌膊衫及熱褲為新歌排舞，獲老闆王海峰到場打氣，難怪被封「星皓一姐」！當她與男舞蹈員跳辣身舞時，不經意露出B Cup「事業線」，大騷Quali！

Theresa跳辣身舞時纖腰被攬，又緊貼舞蹈員下身，動作惹火！	韓國舞王Rain的排舞老師全洪福來港，教Theresa谷盡女人味。	星皓老闆王海峰到場打氣，令Theresa十分感動。

Rain老師唔過電

Theresa坦言很感激老闆：「多謝公司支持，今次用咗四、五十萬，請咗幫韓國型男Rain排舞嘅老師全洪福嚟幫手。」喜歡細眼男士的她，坦言對方符合擇偶條件，可惜對方唔過電，更嫌她眼神不夠性感，Theresa說：「佢覺得我跳舞時，眼神唔夠Sexy，叫我睇多啲三級片學吓。（約埋一齊睇？）唔係，我會努力揣摩。」

成功谷出事業線的Theresa，自嘲沒有E Cup身材：「都26歲啦！隨住年紀轉變。（升Cup？）有少少，不過唔講喇！總之冇E、F、G啦！」曾被網友批評唱歌走音的她，坦言做定心理準備再受抨擊，問到又唱又跳是否要為自己平反，她謙虛地說：「我會更努力去做好畀人睇。」