本文重點
加拿大歌手Justin Bieber表面斯文，原來內裏粗人！澳洲節目主持日前爆料指曾親耳聽到Justin爆粗鬧人，鏡頭前後判若兩人！人氣急升的Justin上月到澳洲宣傳時，因太哄動而臨時取消露天演出，改到電視台隔窗表演，並接受當地第7頻道電視節目《Sunrise》訪問。節目主持David "Kochie" Koch前日致電悉尼電台節目，重提當日Justin的受訪情況，指原先很友善的他竟變臉爆粗：「我哋個經理只係向佢指示喺邊個位表演，點知佢突然掉轉頭話：『唔X好再掂我呀！』」大感詫異的David又說：「我有少少失望！我諗係咪有人要拉佢埋一邊摑醒佢呢？」
網民踩多腳
人紅是非多，另有指Justin早前接受英國電台訪問被問到其新紋身時，竟向主持豎中指後拍枱走人，相當冇品！Justin年少成名，惹來不少網民留言踩多腳，指他起得快跌得亦快，遲早步Britney Spears後塵，又笑他應與癲后蘭茜露漢來往。
慘遭圍插的Justin即在社交網Twitter否認爆粗，更自言從小受父母教導，要尊重別人及不要回應八卦新聞，又重申清者自清：「我諗『聽大人講大話同散播謠言』係我工作之一！」