廖碧兒和杜宇航最近合作電影《葉問前傳》，碧兒雖有跆拳道根底，但跟詠春可謂是兩回事，故趁拍攝前跟師傅惡補，沒想到一試便上癮，後來還正式拜師學藝，她說：「功夫係我細個喺加拿大睇李小龍電影時認識，之後我用電影內一首歌編咗隻舞，仲加埋功夫喺入面去比賽，結果細細個就攞咗個特別獎，好難忘！」問到近年頻頻參演功夫片，是否想向打女方向發展？碧兒笑說：「冇諗太多，睇吓自己有冇機會，其實我想影、視可以平衡發展，好似下個月我都會拍劇。」

有跆拳道根底的廖碧兒，曾將功夫融入舞蹈之中。

廖碧兒跟杜宇航學詠春，有板有眼。

無懼與甄子丹比較

片中飾演葉問的杜宇航，早前參與《葉問2》演出，問到有否欣賞前輩甄子丹主演的《葉問》系列取經？杜宇航大讚子丹演技出色，但他飾演年輕版葉問，有別於子丹的成熟版，至於會否擔心外間將兩者比較？他說：「冇理會太多，做番自己嘢，我本身性格幾似葉問，係文靜嘅人，又細細個學功夫，只係時代唔同啫！」

以新人姿態擔正電影，杜宇航坦言壓力甚大，還要與前輩合作，首日埋位已甚為緊張：「拍《葉問2》對住大哥（洪金寶）做對手戲真係緊張，個個起碼經驗豐富，雖然我只講幾句對白，但感覺好似參與緊大賽咁。」