樂隊Mr.成員MJ（譚傑明）除醉心音樂外，亦愛繪畫及寫作，童年時受漫畫迷哥哥及表哥薰陶，愛上港日漫畫，更立志當漫畫家：「可能細個畫得多，都畫得唔錯，所以我喺多倫多讀書，阿Sir建議我讀美術學院，媽咪都好贊成，佢唔怕我第時做畫家搵唔到錢！」
現時MJ除繼續學畫，未知是否受作家女友卓韻芝影響，而愛上寫作，最近除了在Blog上發表文章外，更低調地在女友的新書中寫作，以文采暗撐女友！MJ不諱言被外界激讚「寫得」而開心。為了繼續寫作生涯，他打算積極學寫中文：「我喺外國讀書，唔識寫中文字！啲文章全部用英文拼音寫成，雖然我覺得書寫冇問題，但將來真係要做作家，我諗都要學好中文同學打倉頡！」
