方珈悠（Jaime）有別於一般清純玉女歌手，走Rock妹型格路線，一身Tan Look已成為她的Icon，她笑說：「我啲皮膚好容易吸收陽光，見光即變黑。之前去泰國拍廣告，有時間就去游水曬太陽，曬得一身古銅色肌膚，感覺好健康！」不過古銅膚色在化妝上有較多局限，尤其是粉色系列更是可免則免：「細個唔識化妝，只識畫眼線，連眉筆都唔識用！入行後開始學化妝，就知道咩顏色啱自己，平時鍾意化淡妝，Nude或啡金色感覺自然啲！」

用金色眼影加深眼尾窩1/3位置，令眼形望落大一些。

掃上粉紅混金色的胭脂，加深面部輪廓。

敷Mask蜜糖保嫩膚

踏入初夏，Jaime希望有個New Face Look，首個登陸香港的丹麥人氣化妝品牌GOSH Cosmetics最近推出一系列彩妝精品，當中以帶有海洋元素的閃藍色眼影最適合其心水，她說：「先掃上啡色，再掃上藍色，然後薄薄掃上帶有閃粉嘅淺啡金眼影，令整個眼妝更有層次感，喺陽光照射下閃閃發亮，好似細沙咁。」化靚妝之餘，Jaime認為底妝和保養皮膚同樣重要，平日會敷水分Mask及每晚食純天然蜜糖調理身體。

在眼皮位置掃上啡色眼影，再在眼窩位掃上藍色眼影，注意兩種顏色不可以重疊。

閃亮的粉紅色唇彩，內置小燈，即使在黑暗中也能輕鬆上妝。