新八模成員之一的何佩瑜（Jeana），憑42吋長腿撼贏其他o靚模，成為「Neway女」拍攝新一輯廣告宣傳世界盃。穿上波衫的她勁騷小蠻腰，原來她本身也是一個足球迷，揚言會陪男友睇波，認真體貼。
據知，廣告商為拍攝這輯廣告，邀請數十名模試鏡，Jeana最終成功跑出。對於被指與「Neway嫂」諸葛梓岐有幾分相似，Jeana說：「都有朋友話我似，開心o架！佢好靚女又有氣質，希望自己嘅事業都好似佢咁好啦！」有份推出寫真的她坦言有壓力：「因為行內人好大競爭，我會盡力而為。如果唔付出就原地踏步，畀人覺得冇進步。」
