近年北上拍劇的李逸朗（Don），最近終於回復歌手身份，於my 月推出全新國語EP《給愛我的》。已有兩年未推出專輯的Don表示，新碟是他費盡心思之作，內容圍繞戀愛過程：「分幾個階段，包括拍拖蜜月期、到分手、又再重遇，然後最後諗通得到解脫。（係咪你心聲？）係好多人拍拖嘅心聲，當然裏面亦有自己嘅經歷，我好欣賞同感激之前愛我嘅每一位。」Don自爆灌錄新碟時曾忍不住哭起來，問到現時有否拍拖？他二話不說即答：「冇！唔想拍拖住，依家28歲想整頓自己事業先。（遇心儀對象會表白？）會呀！」

「煲冬瓜」有進步

對於回復歌手身份出碟，問到會否感到壓力？Don說：「壓力梗係有，以前做嘢忙到冇時間諗自己有乜進步空間，但其後返內地拍劇，個人諗嘢多咗，要求亦嚴格咗。」正所謂學以致用，他現時在內地拍劇，幾乎每天也講普通話，「煲冬瓜」有顯著進步，他笑說：「分得清楚翹舌音，好過以前啦！」Don還表示現時是「事業的春天」，至於會否長期在內地發展事業？他說：「下個月返內地拍劇，係一套古裝片。（擔心香港Fans呷醋？）佢哋都大個會明白，依家出席活動見到佢哋，就好似同班老友敍舊咁。」