曾志偉坦言最愛「滾紅滾綠」：「我第一間開嘅食肆係同阿倫（譚詠麟）開『天天火鍋』，打邊爐食得新鮮，大家又可以揀鍾意嘅嘢食，又唔使等齊人，幾好呀！」志偉旗下的火鍋店在內地門庭若巿，共有十多間分店，最近他與Ricky San（鄭威濤）及米蘭站袋王Byron開設激新火鍋店，志偉說：「Ricky San咁多舖，貨源一定有保證，乜嘢刁鑽食材都搵到！至於Byron梗係負責幫間舖扮靚啦！我最叻咪係『混醬』，十幾種混醬都係我搵番嚟o架！」他表示混醬對火鍋尤其重要，因為「滾友」早已不滿足於只用豉油調味，正如以往時興大戲院，現在則流行多元化的迷你戲院，滿足不同喜好。

創意十足的志偉揚言最拿手混醬。

Ricky落力烚嘢，身旁的志偉只顧大啖食。

密謀開分店

三個「愛滾」的大男人笑說，一星期才回家吃一次飯，打邊爐卻每周多達6、7次，實行三五知己圍爐盡興。由志偉率領的「為食兵團」落力試食，食物品質當然有保證兼大獲好評，開業僅兩個月已開始物色舖位開分店，難怪志偉笑說『滾友』多！對於進軍火鍋界，Ricky San表示貨源不成問題，再開分店亦很快上手；而由時裝界殺入飲食界的Byron亦大讚刺激又有趣。