擔任《東張西望》主持的Skye，最近與馬德鐘和徐子珊等合作古裝劇《洪武三十二》。劇中Skye飾演馬德鐘妃子，兩人不乏對手戲，問到會否感到壓力？她說：「有呀！驚到瞓唔着，成日刨劇本同煲其他古裝劇，我平時講嘢比較快，但今次套劇講對白嘅節奏要慢啲。我同馬德鐘有感情線，幾新鮮。（親熱鏡頭？）暫時未知，顧掂演技先啦！」Skye揚言最渴望與歐陽震華合作：「佢係我偶像，之前睇番佢嘅重播劇集，佢形象好入屋，希望可以同佢合作。」

放大圖片	首次拍古裝劇的陳倩揚表示，努力刨劇本和煲劇進修演技。

Skye笑言是一名工作狂：「我好期待開工o架！雖然拍劇時間顛倒，但我會好投入，唔驚辛苦，由細到大都係咁，只要睇番每個月嘅賺錢表，就覺得係值得，呢啲都係我工作嘅原動力。」

5年內結婚

Skye與男友感情穩定，問到會否因工作太忙而令男友詐型，她說：「咁又冇，大家各有各忙。（談婚論嫁？）5年內嘅事。」Skye當選至今未傳過緋聞，她笑說：「我冇緋聞磁場，身邊朋友都係空姐朋友同大學朋友。」新一屆港姐選舉又來臨，Skye亦過兩招給師妹：「做番自己，唔好太作狀或扮嘢，我成日袋住『將心比己』同『相由心生』呢兩個金句，獎項得幾個，最緊要享受過程，咁樣已經賺咗。」