鄭伊健與陳小春接受《娛樂on show》訪問，被主持俞詠文大逼供，問到何時結婚？已屆適婚年齡的伊健表示不想因「羊群心態」而草草結婚：「唔係唔結，我都有諗！但時間表未必同人哋一樣，唔通玩集體跳傘結婚咩？人結你又結，呢啲咪羊囉！要諗清楚先！」當小春被取笑成為「老襯」時，他反應甚大地說：「咩『老襯』呀？係老公！」他透露正適應婚姻生活，並已計劃趕生「小小春」：「心急趕生仔o架！盡量『啤』到幾多得幾多，大家都鍾意小朋友。」

放大圖片	有「地獄廚神」之稱的蒙嘉慧，努力改進廚藝。資料圖片

演而優則導

曾合作多套「古惑仔」系列電影的他們，最近再度合作江湖片《飛砂風中轉》，二人揚言不擔心觀眾看膩，小春說：「我想演而優則導，最希望拍一部可以令人喺不知不覺間喊出嚟嘅電影。」至於一向大細路的伊健則希望拍攝一部超現實電影，令角色可以超越時空。

此外，兩兄弟大談廚房經，伊健更會過兩招給女友蒙嘉慧：「我唔係叻，但係識，而佢（蒙嘉慧）就煮蒙古菜……講笑！其實佢自從做咗『地獄廚神』之後已經加倍努力！」欲知更多關於伊健和小春的入廚樂趣，請即登入ontv收看《娛樂 on show》！