下月推出新碟的HotCha，透露新碟封套形象大變身，務求令人刮目相看，唱片公司有感她們的造型太「老積」，要她們回復少女身，她們說：「好多人覺得我哋好似細路女扮大人，所以今次封套個妝淡到好似冇化咁，公司唔畀我哋畫眼線同黐假眼睫毛，最初真係唔係好慣。」

放大圖片	Regen的跌膊Look充滿少女味。

三位成員Winkie、Regen及Crystal坦言最初抗拒以真面目拍攝封套，覺得自信全失：「雖然平日出街我哋都好少化妝，但面對鏡頭真係好驚。」她們也擔心化妝化得多，會走火入魔：「係會愈嚟愈重手，愈化愈濃，所以成日提醒自己唔得。」

Winkie及Crystal形象大變身，踢走老積形象。

放大圖片

Winkie攝鞋墊增高

日前HotCha跟「警鐘胸」混血女模Jessica C.（JC）一同行Catwalk，自嘲身材欠奉的她們笑言感到慚愧：「我哋仲係同JC一間房。（有冇(目及)佢個警鐘胸？）唔敢望呀！」Crystal自知「材料」有限，穿上吊帶裙也自備打底Top，她笑說：「我上半身都見得吓人，但我身形唔啱比例，對腳太短，仲要着平底鞋行騷，連自信心都冇埋。」

Winkie更自爆她們有增高秘訣，就是穿上增高鞋墊，她們笑說：「真係有幫助，個人顯得高啲，所以我哋呢排勁愛着高筒鞋，因為方便加鞋墊入面，我哋仲知道圈中好多男星都有着添。」