劉欣宜與李蘊以超性感形象推出寫真，為在書展中脫穎而出，兩人不惜衝破個人底線，Miyoko單飛第一擊就潛入水中拍攝，卻剛剛碰上月事來臨，她說：「我唔想阻住進度，惟有用衞生棉條頂硬上，感覺好唔舒服，又驚佢漂出嚟，但都冇辦法，但最驚係影影吓見到疑似『米田共』！」李蘊透露Miyoko的「噴血羅拉」造型令人眼前一亮，Miyoko說：「着嗰件背心已經唔墊Pad，但上身好誇張，加埋啲誘人甫士，自己都好滿意！」

劉欣宜（右）與李蘊各自推出寫真，在書展中爭人氣。

18歲的李蘊以寫真迎接「成年禮」，作為一個紀念。

欣賞周秀娜夠靚

剛滿18歲的李蘊上月到內地取景，處女下海為「成年禮」留下倩影，她說：「第一次出寫真，想畀自己一個紀念，喺酒店入面影，泳池、梳化、廚房、廁所，通通都冇錯過！」

李蘊透露寫真內將以Deep V示人，笑言看到也忍不住流鼻血：「我着住件露背晚裝，影我化緊妝，效果好靚，咁大個女都未試過咁性感，真係豁咗出去，超越晒我嘅性感底線！」問她們會否視同期推出寫真的周秀娜為假想敵，她們說：「唔會，大家都唔同風格，我哋都好欣賞佢，佢上年嗰本都有留意，真係好靚！」