本文重點
眼大大、鼻高高，是混血索模Jessica C.的標誌，在美國長大的她自小被讚靚女，天生一副明星相，年紀小小已懂得擺甫士，難怪瞬間成為Top Model！
我係咪好精靈可人呢？你哋估唔估到我係邊個？我係一名混血兒，自小喺美國長大，十幾歲就畀人喺街發掘做Model。我自從拍咗個打印機廣告而為人熟悉，仲稱呼我做甜姐兒添！
農莊長大通山跑
畀三秒你哋諗吓我係邊個……時間到！答案咪係我Jessica C.囉！我由細畀人讚靚讚到大，話我靚女同得意，不過話時話，我真係天生一副明星相，而且好細個就好識得擺甫士，就連啲姨媽姑姐都話我將來唔做Model或明星就嘥晒，卒之承佢哋貴言，我入咗行做咗Model，仲估唔到自己咁紅添！
講到童年生活，我細細個就同家人喺農莊生活，日日對住一大片草地，又與牛牛為伴，得閒就幫爹哋手剷草同揸牛奶，或者同妹妹通山走，曾經見過大蟒蛇出沒，好似上緊生物課咁真實呀！