《大四喜》不添食

訪問期間，他們繼續針鋒相對，Dicky笑言被康仔「出賣」：「我哋畀兄弟跣，有人話記者會一齊着西裝o架嘛！點知佢自己就着到成個拿督咁！」Dicky、安仔及Edmond即靠在一起「睥」實康仔，他連忙解釋指誤以為活動在戶外進行，但安仔拒絕接受。被罵的康仔拍照時仍忍不住笑，Dicky見狀即說：「不知廉恥！日防夜防，家賊難防呀！以後帶多幾套衫，睇住佢嚟打！」

另外，他們主持的《Big4大四喜》被指不夠嘉賓，只能拍10集，Dicky表示早已有名單在心中，人數足夠拍16、17集，安仔則承認四大唱片公司與無綫糾紛令邀請嘉賓方面有點阻滯：「之前都想請陳奕迅，佢又好玩又多嘢講，不過都唔得，依家嘉賓已經齊晒啦！」Dicky及Edmond更為拍此節目各自推掉六位數字酬勞工作，但因檔期問題無意添食！