模特兒生涯向來短暫，但台灣名模隋棠年屆30歲仍活力十足，最近殺入偶像劇，憑《痞子英雄》、《那一年的幸福時光》及《偷心大聖PS男》，人氣繼續急彈。她最近應醫學美容中心LeRivoli邀請，勁收逾百萬港元酬勞拍攝最新廣告，大騷Fit爆誘人身材。

人靚身材好的隋棠，在廣告中赤裸上陣，用手抱狗狗遮胸前兩點，拍攝時大方自然，極具專業模特兒的工作態度，她說：「我覺得唔算係犧牲，平時做模特兒都經常要着性感衫，都唔覺得會尷尬，只要影出嚟效果好，唔使大驚小怪嘅！」

肌肉痠痛

除半裸抱狗外，隋棠更在開篷跑車內施展長腿誘惑。雖然車廂空間有限，她要高舉長腿兼顧及甫士美感，仍甚有難度，但她毫無怨言，立即上車左試右試，配合攝影師要求大擺不同甫士。拍罷所有鏡頭後，她坦言全身肌肉痠痛：「雖然係有啲攰，但做模特兒就係咁，冇咩特別。（酬勞很高？）呢個梗係秘密，總之十分理想，希望將來有多啲機會再同大家見面先最重要。」

文：影視組