昨日周星馳出席記者會，正式宣布成為比高集團的大股東兼執行董事，主要負責電影及多媒體製作，而另一位執行董事陳昌義及營運總監陳英祺亦有出席，一同接受記者提問。

星爺表示會用自己的拍戲經驗，協助公司製作一些賺錢的電影，並透露已跟中國電影集團公司（中影）簽訂了合約，會於5年內合作拍攝10至20部電影，其中《長江7號》的動畫版電影已定於7月於內地上映。

問到星爺何時轉做主席？他發揮幽默本色說：「我第一日返工咋喎！睇吓啦！做得好再睇吓咩Title（職銜），其實都唔重要，最緊要係交到功課。」

至於會否參與旗下電影的製作？他坦言仍有興趣作幕前演出，而幕後的興趣亦大。有記者提到《長江7號》的口碑麻麻時，星爺即澄清：「喺香港收5千幾萬，係打破唔到我自己紀錄啫！內地收2億，所以好受歡迎，你（記者）講法係錯！」

童心未泯遭取笑

問他成為上巿公司大股東是否夢想成真？他說：「今次係機緣巧合，以前都有諗過，可以更加透明，做更多嘅嘢。（身份有咩轉變？）壓力大咗啲！」

問到會否有新電影於短期內推出？他說：「我一路都有準備，好多人以為我冇做嘢，其實我好勤力度古仔，有同美國公司合作嘅，不過要保密。」

另外，周星馳與動畫版《長江7號》導演袁建滔於內地接受傳媒訪問，星爺指自己除了童心以外，甚麼都沒有，袁建滔即不忘笑他「太幼稚了！」星爺亦大表認同。

文：影視組