有「大隻GiGi」之稱的GiGi Yan，連日來被不少讀者爆料指她愛充有錢女，又黐名模Rosemary影相博上鏡，惟Rosemary不認Friend！昨日，一名曾與GiGi參選「第一屆美酒天使大賽」的佳麗，聯絡本報記者聲言要爆大鑊，這名不願透露姓名的不忿佳麗說：「GiGi只係一名普通秘書，家住深井，並非大富人家，只屬小康之家，但佢愛充有錢人，又鍾意出風頭，尤其見到名人，好似Rosemary做『美酒』評判，佢就黐到人哋實博影相想上鏡，又鍾意Show Off自己，一齊參選班女仔唔想畀『龍友』影相，但佢完全唔介意，不停擺甫士任影，好Enjoy咁！」