無綫女藝員梁嘉琪開工時至愛用大袋，自言用袋粗魯的她偏好黑色：「呢個Marc by Marc Jacobs袋可以兩面用，我本身用開另一面，即係黑白色牌子Pattern印花，但我成日放佢落地，所以嗰面已經用到黑黑哋，咁我就反轉用黑色呢面。我好鍾意好大嘅袋，所以買親都係奶粉袋，可以裝晒化妝品同衫褲鞋襪入去，方便一日走幾場。」
梁嘉琪另一必備物品非常特別，就是無鏡片眼鏡，她說：「未化妝時可以遮吓瑕疵，做完嘢個妝太濃但又想同朋友出街，我都會用佢遮吓眼影，咁樣自然啲。」她亦會隨身帶備日程，貪其比電子記事簿有質感：「我好鍾意呢個公仔，但佢嘅精品比較少，呢本係我唯一擁有佢個肖像嘅精品。為咗安排通告，我會成日帶住Schedule，我唔鍾意用手機記事，鍾意寫低啲嘢，咁樣有質感啲。」