無綫節目《東張西望》主持何傲芝，早前駕駛屬於「補習型男」林溥來的Mini Cooper發生意外，導致翻車受傷，休息數日的她，昨日到跑馬地馬場擔任《太子珠寶鐘錶精英盃》記者會的司儀，她說：「第一日復工，好番好多喇！大會好好，知道我有一隻手唔郁得，都安排我做司儀。
依家隔兩日就去洗一次傷口，六月中先再覆診！」問到林溥來有否慰問，她說：「有！大家都有解釋番件事，架車點處理同埋有關保險嘅事都有傾過！」她強調與對方只是認識六年的好朋友：「我因呢次嘅事同佢Say咗Sorry，始終架車都係財物！（有冇可能發展？）將來嘅事唔知道！」她透露將會向警方錄口供，明日全面復工，繼續主持無綫節目。
