本周一首播的《談情談案》雖然被網友指涉抄日劇《神探伽俐略》，但大前日首播平均收視達32點、最高34點的佳績。劇中演員如楊怡、林峯及馬國明等昨日舉行祝捷會，對於新劇被指涉嫌耷劇（抄襲），揚言從未看過《神》劇的楊怡，竟能指出劇的角色設計及劇情大相逕庭：「我唔覺有抄襲成分，從科學角度查案係有啲似，但感情線唔夠我哋豐富！（角色職業似足柴咲幸！）我個角色活潑啲！之前唔睇係因為唔想角色太依賴！（布景都好似喎！）布景同事做得好囉！總之唔怕網民杯葛。」

新劇首集收視報捷，演員當然要開香檳慶祝。

馬國明獲沈卓盈（右）及劉俐攬到實，艷福不淺。

苟芸慧請人教演技

至於林峯亦力撐劇集原創性高：「開劇時都知會畀人話模仿，但我哋嘅案件係原創，角色設定亦唔同！我一向都唔會睇近似嘅作品，我想有自己一套，拍《尋秦記》時都冇睇原著！」此外，有份客串的苟芸慧相當感激對手楊怡：「佢好有耐性同專業！」深知演技有很大改善空間的她透露，與張嘉兒及羅天宇合資請演藝導師教授演技。