女子組合HotCha、狄易達和范萱蔚昨日出席《「愛職安．愛家庭」巡迴小學探訪活動2010》，除向學生灌輸職安訊息外，又表演唱歌跳舞，HotCha成員Crystal身穿闊身背心上陣，當身體隨節拍舞動時，其黑色打底Tube Top不停移位及滑落，腋下更露出一大片肉，幸好Crystal及時察覺，用手扯高Tube Top，不致當眾出醜，但已十分狼狽，令她尷尬不已。

Crystal跳舞時Tube Top滑落，不顧儀態當眾扯衫。

放大圖片

Regen阿媽代買罩

其後Crystal自嘲是胸細所致：「個Top洗咗好多次變得好鬆，我又嫌個Top個墊太厚，唔想呃人，所以除咗。（係咪胸太細呀？）係呀！之前都試過類似情況，我都欠缺『職安』意識！」她自言身材沒睇頭，即使烏低身也不會有「事業線」，問到三人當中誰身材較好？Regen說：「都冇乜，所以三個都係『平安鐘』。」Winkie加把嘴表示，除因為天生外，亦因買錯胸圍所致：「我同Crystal上年先知，原來咁多年都係戴錯Bra！啲胸肉去晒胳肋底同背部，依家先買啲有鐵線嘅胸圍。」22歲的Regen更因為怕醜，竟從來沒有親自買Bra，至今仍由媽咪代勞。