今夏花花褲大行其道，連男仔亦一樣「花」得起，但闊身花褲非常蝦人着！衫評人Ricky盛讚大S穿花裙令人眼前一亮！
徐熙媛（大S）
「大S嘅皮膚非常白皙，配呢種彩藍色花裙好襯佢，而且無論髮型、鞋同配飾都好Match，非常帶到夏日感覺，又靚又青春。」
周秀娜配搭亂龍
「條裙個Cutting好複雜、太多Layer，而且佢髮型感覺好亂，對鞋又唔襯，令成個配搭錯晒，如果佢梳番起個頭同換過對鞋會好啲。」
Jessica C.膚色易Carry
「Jessica C.又瘦又白，短身花褲好易Carry得好睇，而且咁着好鬼妹仔，啱晒佢，如果佢配埋人字拖，感覺仲會夏日啲。」
李嘉欣休閒氣派
「雖然今季流行連身花裙，但唔高唔瘦都唔使望會着得好睇。嘉欣身材靚，所以唔單只Carry得好睇，而且佢仲識搵短身牛仔褸令比例更靚，感覺休閒又有氣派。」
蔣怡身高最襯
「擁有蜜糖膚色嘅蔣怡，好襯着紅白色嘅花裙，而且佢又夠高，唔難Carry長花裙，但佢唔應該拎窩釘手袋，配番個布質或者輕身啲嘅袋會更好。」
黃宗澤過分花巧
「其實男仔都可以湊花潮，可惜黃宗澤就花衫襯花褲，配搭就過分花巧，而且咁着更容易『女人』咗，如果佢取捨其中一件會好好多。」
曹敏莉成熟阿太
「曹敏莉屬A字膊，所以佢唔應該着露肩衫，而且呢條花裙圖案太成熟，唔夠青春，加上佢着埋對黑色高踭鞋就變咗成個阿太咁。」