崔建邦涉打鄺敏慧（中巴）一案已告一段落，昨日他接受本報獨家專訪，坦言問心無愧，受審前沒想過要坐監。提到給中巴的道歉信，他說：「信入面我向喺佢身上發生嘅事深感抱歉。上庭前控方問我可唔可以認條輕啲嘅罪，我唔肯，因為冇做過，之後對方肯以簽保守行為程序解決，唔使對簿公堂，要我同之前女友道歉冇問題，但係律政署要我寫道歉信。」他表示現專心工作，並說：「唔好再批評鄺小姐，佢同我一齊嗰陣係好女仔、經驗淺同純品，件事完咗，希望佢有美好人生。（帶眼識人？）以前我唔識保護自己，係時候學。（怕工作上碰頭？）點解要怕？我問心無愧，件事天知、地知、我自己知。」