徐子淇昨日由保鏢陪同下，出席在包氏畫廊舉行的《飛天使者》廣慈香港個人展覽，穿全黑Gucci裝的她已回復苗條，對於老爺以18億元天價購得山頂白加道地皮，她說：「有日同老爺搭車行經嗰度，佢同我講塊地叫阿誠（李家誠）去買，我同老爺講好貴不如你買，我哋得閒就上嚟探你，老爺就話你哋上埋嚟住，依家諗住起三間屋，一間老爺，一間我哋，一間大伯（李家傑）！估計三年後完成！」

年紀輕拒人工受孕

她表示老爺喜歡古典設計，而她與老公則希望新屋較「潮」，故會以玻璃設計，並選用單鏡反光玻璃防偷拍。子淇笑言曾向老公提議建一間太陽能發電的木屋，惟遭老公拒絕。她希望新屋有花園，方便老爺散步及小朋友踏單車。

上周她們一家到澳門旅行慶祝細女晞兒生日，更在商場遇上棄嬰，她藉此教導大女要惜福。對於有傳她植入胚胎失敗，子淇說：「梗係冇，我未可以有BB住，要休息年半，起碼仲有半年，同埋想自己試吓努力先！我手頭上有一疊資料想試咗先！（人工方法唔好？）仲後生，呢啲係畀年紀大想生BB嘅人。」她又表示已購買一對價值16萬元的粉紅色及粉藍色天使藝術品：「聽人講買一隻唔係幾好，買多一隻粉藍色，咁下一個就係仔，希望遲啲可以將粉藍色送畀個仔。」