圈中愛貓人士非常關注唐貝詩在微博引發的盆景貓風波，陳法拉昨日透露早前剛檢了六隻流浪貓回家，現家中共養七隻貓，她說：「我睇過啲相，應該係假嘅，好多年前喺美國已經見過。我都養貓，覺得冇可能養到，相信只係玩啫！不過都提醒大家愛護動物，唔好虐畜，其實將啲動物染色或者幫佢哋搽指甲油都係虐待，佢哋唔會好受。」
向來與法拉不咬弦的諸葛梓岐站在同一陣線，力斥虐貓人變態：「我唔會買，最核突、元兇係整呢樣嘢嘅人。（唐貝詩話可愛？）大家睇事物嘅角度唔同。」貓癡容祖兒則指照片令她感不安：「無論真假都唔應該放上網，總之唔係一件好事。」至於何韻詩昨晚在網誌上評論事件，綜合近日青少年跳樓事件及盆景貓風波，以近千字指八十、九十後行為沒有分寸，做事亂七八糟。