繼被踢爆家人開美容院及認識o靚模如黃欣、梁筠兒（Bambi）及洪天明舊愛Lillian兼咀女後，「飛女精甩邊」Debbie Lau昨日再遭讀者爆料，指她並非來自富裕家庭，其實是背靠「有米」男友Kenny！對方不但揼本讓她開設美容院，還送上六位數字鑽飾做生日禮物，爆料者更公開兩人合照。

好友代澄清

記者昨日就此事致電Debbie好友Bambi求證，她代好友澄清：「Kenny係Debbie嘅前男友，已經分手幾個月。（Kenny係咪打本畀Debbie開美容院？）美容院全部都係Debbie嘅屋企生意，Kenny只係其中一間分店股東。佢哋分手後，Debbie將股份退番晒畀佢，連鑽飾都還番畀佢，一刀兩斷！（Debbie鍾意女定男？）嗰日只係Birthday Kiss，佢鍾意男仔，依家冇男友。」

另一被起底的參選港姐「菲版謝婷婷」陳鈺芸（JuJu），亦被踢爆曾拍迷你電影，擁有34C、24、34身材，但Facebook只有二十多位朋友。據知，曾獲選美獎項的她想藉港姐頭銜做善事，亦有信心摘冠。