無綫新劇《談情說案》昨日在奧海城舉行宣傳活動，演員林峯、楊怡、馬國明、沈卓盈和李綺雯等均有出席，期間大會以頒獎禮形式介紹劇中人物，與多位女演員有床戲及咀戲的馬國明，獲頒發「最花Fit男」獎項，但他領獎時竟說：「現實生活就係林峯！喺劇中畀我分番一杯羹。」

事後馬國明否認指林峯花弗：「我係話阿峯現實中多Fans錫啫！（你今次都好艷福？）係！本年度最筍角色，未試過咀咁多同咁激，勁過韋小寶。」至於林峯自言拍劇十年，累積的親熱戲不及馬國明此劇多，笑言十分妒忌：「我現實多艷遇過馬國明？我都想勁，不過冇時間。（有冇追求者？）如果冇就驚，不過都冇時間啦！」

楊怡唔介意行泳衣騷

另外，楊怡表示因聲沙未愈，失去登台機會，損失六位數字酬勞，問到夏天會否行泳衣騷補數，她說：「唔介意行，不過要視乎價錢，其實我一次都未行過泳衣騷，因為價錢唔吸引。」活動上，林峯重演在劇中向楊怡跪地求婚一幕，令Fans起哄，而馬國明則與男扮女裝的演員扮咀嘴，令人忍俊不禁。