本文重點
電影《五號停機坪》昨日舉行香港區選拔賽事，「新八模」成員傾巢而出參賽，其中馬卓寧（Vibeke）約11年前遭神秘人從後襲擊以刀(界)臉，令右邊臉留有4吋長疤痕。昨日她憶述此事仍激動落淚，她說：「當時見唔到佢個樣，報咗警都查唔到咩人做！」
醫學昌明望變靚
她表示因事件留下陰影，更激動地說：「會發噩夢同失眠，我有諗過放棄生命，但最後都打消念頭！（留陰影？）一定有，但事件亦令我長大咗！有時見到年輕人好容易就輕生，我覺得好難過。每個人都要珍惜生命。（對事業有影響？）一定有，不過依家醫學昌明，我會嘗試變靚！」
其餘「七模」在台上表現騎呢，其中Hazel（前名Cora）跳勁舞時擘髀兼「露底」，搶盡風頭。而Jeana則扮失戀流淚但事敗。Betrys出場時扮作跌倒，令人爆頭。Hidy則俯身做瑜伽晒咪。Suki表演一口氣飲奶，但期間奶水橫飛，她說：「我係咪好癲呢？」至於風頭躉Mia則大吐心聲：「16歲知道懷孕好難過，想落咗佢又擔心後悔。」