馬賽（Sire）認為「君女」與「阿K」可算是天造地設的一對，這段純愛般的戀曲亦感動了不少觀眾：「喺套劇入面，就算阿K知道君女以前有啲唔係咁好嘅背景，都仲留喺佢身邊照顧佢，亦唔介意為佢犧牲！」Sire認為阿K是個不錯的對象，奈何現實中仍未遇到Mr. Right，她笑言以前的戀情大多只是Puppy Love：「我反而讀幼稚園、小學嘅時候多男仔追，可能大個咗愈嚟愈男仔頭，同啲男仔最後多數做咗朋友，可能我男仔頭嘅性格令到男仔冇晒Fantasy（幻想），不過我拍拖嘅時候都可以好似君女咁對男朋友好Sweet！」

港姐出身的Sire，曾代表香港參加多個選美比賽。　資料圖片

放大圖片

着重學識不重家世

現時仍未找到Mr.Right的Sire自認要求高，她坦言不愛有錢的公子哥兒，最重要是能與她「溝通」：「佢要有學識同埋有自己嘅見解，觀念上要同我好夾，佢要識好多方面嘅嘢，因為我好多嘢都會講，好似經濟、電影、社會性嘅嘢咁！」對於理想對象的外表，她認為只要合眼緣便可，更預言Mr.Right短期內都不會出現，因為她將會忙於拍劇及宣傳，分身不暇：「依家我對拍戲都仲係喺摸索階段，拍拖會浪費好多情緒，我想專注喺拍戲度。」Sire認為人生有很多階段，現階段是她的「搏殺期」，拍拖、結婚可能要留待30歲再作打算。

Sire飾演的君女在《女》劇中，與吳卓羲有情人終成眷屬。(資料圖片)

Sire希望另一半有卓越見識，相反家底並不是最重要。