昨日Sherman身穿露肩裙現身鬧巿，與最近齊齊搞音樂的「雙Jin」歐陽靖（MC Jin）及陳奐仁（Hanjin）舉行流動音樂會。同樣首次以此類型迎戰的他們，興奮地走到人群中大派「雙Jin」作品，當中收錄Sherman Featuring的新曲。因表演範圍局限在車上，Sherman坦言不怕被抽水，MC Jin更舉手充當「護花使者」，他說：「今日有兩個肥仔保護佢，但Hanjin話我哋好貴！」

MC Jin（左起）、鍾舒漫和Hanjin在鬧市舉行流動音樂會，場面墟冚！

基仔首度在拉斯維加斯舉行3D演唱會。

與陳奐仁互笠高帽

由Sherman出道已合作的Hanjin，不斷笠伊人「高帽」，令Sherman尷尬地說：「唔好咁講啦！同Hanjin合作好耐，佢睇住我大，Jin好有才華！」將於下月開騷的「雙Jin」，預告宣傳攻勢一浪接一浪，MC Jin說：「7月會出碟，之前有放歌喺網上畀人聽，正式第一首歌係《買一送一》，不過今日係『買一送二』，睇你鍾意邊個啦！」

赴賭城任基仔嘉賓

此外，Sherman將擔任師兄古巨基本月29日的拉斯維加斯個唱嘉賓，已準備飛往當地舉行記者會的基仔說：「今次將香港個唱嘅元素帶到當地，除咗服裝外，當然唔少得3D效果啦！」為成就拉斯維加斯首個3D演唱會，據知大會不惜工本，專程從香港運送逾千副3D眼鏡到當地。他更感謝大會邀請及公司的支持：「因為之前轉咗公司，多謝英皇出錢買番版權，先可以將個唱重新包裝搬上舞台！」