汪明荃（阿姐）昨日接受電台節目《巴巴閉邊個夠我查篤撐》訪問，對於有網友狠批她唱功差兼走音，她開火還擊：「你睇到嗰個人已經唔鍾意，我都冇法，咪轉睇第二個囉！至於啲人話我係咪走音，我覺得太過分啦！」她坦言已達刀槍不入的境界，故心情未受影響：「有啲人雖然年紀細過我，但追唔上我嘅心態，我一向走得好前！」她趁佛誕望大家學會包容：「希望佢哋睇多啲嘢，個節目唔係淨係做畀你哋睇，係一家大細睇！」此外，適逢昨日是阿姐與羅家英結婚1周年紀念，但她透露家英哥未有送禮：「佢話共勉之喎！今日（昨日）都唔喺度，返咗內地做嘢。」