汪明荃（阿姐）前晚帶領阮兆祥、王祖藍及李思捷錄影《荃加福祿壽》，人紅自然多是非，有網友建立群組反對阿姐繼續在節目中唱歌，但她一於少理，還與泳兒合唱《When A Child Is Born》及獨唱《金絲雀》，泳兒首次跟阿姐合唱，她坦言以前覺得阿姐很有威嚴，但原來是個和藹可親的大姐姐，十分照顧她。至於「福祿壽」亦被指不和，但三人工作時有講有笑。今集祥仔扮白韻琴，祖藍扮Janet Bin，李思捷則扮王傑。
問到三人不和傳聞時，李思捷反問記者：「似唔似？話我否決祖藍嘅橋咁犀利？其實我哋成Team人包括阿姐、編劇等都好似一家人，每集都攞好多心機出嚟，唔團結唔會有好成果，就好似婚姻關係咁，成果最緊要，大家互相尊重，個個都幾十歲人，睇得好開，三個都笑看風雲，兄弟嚟嘛！」
