何靖妍（Tobee）初入行已被人稱為「小伊東美咲」，當年只得二十歲的她，年紀尚輕，抱着為興趣而做的玩票心態，不懂珍惜機會，一次又一次錯失良機，問到有否後悔？她說：「抱怨係冇用，人始終要向前望！」她雖然任性，卻沒有被公司棄用，反之不時勸解她要努力工作，因為認定她是可造之材：「我好多謝Starzpeople賞識我，我日後會加倍努力，我會把握每個機會。」

除了得到公司重用及力捧外，還有榮雪梅（Helen）的支持，Tobee說：「Helen係我媽咪嘅好友，佢成日都叫我積極同努力！」她承認任性因被父母寵壞：「我係家中獨女，由細到大冇人逼到我，我想做乜就做乜，係我自己話事。我唔係壞，亦唔係乖，有道理自然聽，總之我唔會行差踏錯，屋企人都知我做人有分寸，都會好放心！」

無懼o靚模 各有各做

Tobee過了兩年模特兒生涯，增廣見聞，成熟不少，現時進修日文，問到是否為攻日作準備？她說：「公司不時都會同我開會，傾吓未來發展方向，日後可能會去日本發展。（拍電影？）如果我鍾意，會畀機會我嘗試！」面對一眾模戰況激烈，她高呼不是模，認為大家各有所長，不想比較，也不能相提並論，問到身材會否較輸蝕？她自言走High Fashion路線，方向不同，不會受到威脅，還打趣說：「佢哋有嘅（指身材），我都有！」問到有何上位招數？她坦言會做回自己，並笑說：「我天生麗質嘛！」

Profile

姓名：何靖妍（Tobee）

出生日期：1987年9月1日

身高：174cm

體重：105磅

拍攝廣告：數碼通、Motorola及Chanel等

文：名人組