無綫小花梁靖琪（Toby）籌劃的Wedding Planner公司，最近於昂坪發掘拍攝婚照新景點，更與「昂坪360」合作供新人於纜車上舉行婚禮，甚有紀念價值。Toby自言一直有「空中婚禮」構思，感覺非常浪漫。為配合宣傳，Toby親自做生招牌，狂騷「事業線」谷胸影婚紗相，還找來早前於新劇《團圓》演「啜爆」情侶的羅仲謙扮新郎。

曾飾演情侶的梁靖琪與羅仲謙，拍咀嘴場面駕輕就熟。

梁靖琪在廣告中與羅仲謙有不少依偎鏡頭，但她卻未有過電。

鍾意成熟男冇過電

兩人因早有演情侶的親密經驗，拍攝當日可謂默契十足，更獲攝影師激讚。除熱吻外，還有不少依偎的鏡頭，謙仔的手更要放在Toby胸前，但她未有避忌，惹來假戲真做之說，對此她說：「謙仔喺拍攝初時都有少少怕醜，我咪同佢傾吓偈，輔導吓佢囉！（有冇戲假情真o架？）我比較鍾意成熟男仔，我大佢一年o架！大家只係Friend。（酬勞友情價？）佢好Hit o架！理想價啦！」