新進女歌手羽翹早排因為角膜炎，搞到要入院求診。雖然依家出咗院，但醫生勸過佢有一段時間唔可以戴Color Con或者「大眼仔」，以免對眼再受傷害。小小So早幾日同個朋友行街時，見到羽翹着到靚一靚咁買嘢，仲見佢戴咗「大眼仔」，搞到小小So忍唔住要勸吓佢。
小小So：你對眼好番晒？
羽 翹：差唔多啦！醫生有叫我盡可能都少戴Color Con同「大眼仔」，但我啱啱做嘢要影相，所以照戴。
小小So：唔怕對眼又發炎？
羽 翹：冇辦法啦！要Keep住形象嘛！
小小So：幾深近視？
羽 翹：500幾度！雖然諗過做激光矯視，但又怕痛唔敢做，遲啲先再考慮。我之前成日戴「大眼仔」，吸晒啲淚水，搞到對眼太乾。
小小So：愛靚唔愛命？
羽 翹：都係㗎！冇計啦！做嘢要緊，依家隨身攜帶普通近視眼鏡，做完嘢就除「大眼仔」。