昨日謝婷婷出席CLINIQUE概念專門店開幕活動時，即為Lucas被指做粗口手勢和「蝦」細佬Quintus的傳聞澄清：「上次我喺醫院抱Lucas玩時，都冇見到，佢梗係錫晒細佬啦！Lucas只得幾歲人仔，佢唔知嘅！」問到謝家會否擺滿月酒或百日宴，她說：「BB剛出世，未有咁快。（栢芝出院返咗屋企？）唔知呀！冇打畀佢。」婷婷透露稍後會約栢芝吃飯及買禮物送給她。至於抱恙的古天樂被問到欣賞圈中哪位女藝人的嘴唇，他說：「鍾意外國嗰啲，但係唔知佢叫乜名。」