麥浚龍前晚錄影《勁歌》前，被發現特色牛仔褲沒拉褲鏈，更看到他穿上深啡色底褲，雖然曾講笑是「造型」，但Juno轉身拉好後承認有「很大漏洞」：「唔知點解近日啲褲鏈會自己滑落嚟，都幾尷尬，好彩今次有着底褲。（平時唔着？）平時都有，今次真係好大『漏洞』，遲啲買褲會試真啲褲鏈夠唔夠堅硬。（係咪你堅硬過條褲鏈？）各有各堅硬啦！」

Juno（右）在台上低頭檢查褲鏈。

古巨基錄影節目時透露，將擔任「巨聲一幫」的演唱會嘉賓。

另外，張繼聰再被指與太太謝安琪零收入要食老本，他說：「都係寫到我咁慘啦！一如以往，冇大感覺，係佢哋創作我呢個角色，一笑置之啦！」他透露近期有做騷、拍廣告及司儀等工作，只是冇人寫。

基仔為巨聲幫打氣

此外，同場的古巨基透露，稍後將會擔任無綫「巨聲一幫」紅館演唱會的嘉賓，對於他們出道不久即踏足紅館，基仔表示初期有份擔任評判，看着他們累積經驗至踏足紅館，對他們有信心，問到可會擔心賣飛要靠他及其他嘉賓，基仔說：「佢哋至係主角，我都係鼓勵佢哋打吓氣，我都做過新人，好明白一點點鼓勵對新人好重要。」