昨日潮模Angelababy與師妹陳詩雅（Sarah）出席《Maison Gilfy時裝店開幕》，與兩位日本模特兒中野唯花及近藤里美同場。昨日是520網絡情人節，問到向來愛上網的Baby如何向網友表示，她說：「我會同佢哋講『I love you』！（你同咁多人講，包唔包括黃曉明？）我係同網上Fans講！（有好多男朋友？）佢哋會認為係，咁我真係花心Baby囉！不過我本身唔花心，好專一！」而她與黃曉明的關係一直撲朔迷離，問到黃曉明能否完全符合其擇偶條件時，她說：「如果有錢或靚仔，我一定鍾意靚仔，我肯定！（若兩樣都有呢？）咁就Perfect。」問到會否介意另一半曾離婚或有仔女時，她說：「最重要兩個人夾。」

Baby（右起）拖師妹Sarah大戰日模中野唯花及近藤里美。

日本模特兒中野唯花（左）及近藤里美穿上和服，Kawaii呢。

怕被鬧炒作新聞

近期忙於四圍飛拍寫真的Baby表示，將會拍戲，但未有透露詳情，問到會否渴望與黃曉明合作，她說：「當然好，如果有機會！（佢演技好？）我唔知點講好，如果我咁講，又會畀人話我炒作新聞，我依家最驚畀人咁講。」另外，Baby早前接受有線娛樂台陸浩明訪問時表示，不能接受男友講大話，未知是否另有所指。