馬國明及Jessica C.（JC）昨日出席環保汽車活動，JC低胸上陣，令馬國明即變「硬漢」，只敢直視前方！問到可有乘機偷看？馬國明即笑說：「未有機會呀！我之前見過佢，但唔係咁近。（鍾意呢款女仔？）鍾意！鬼鬼哋又咁靚。（身材？）我鍾意啲古典味嘅女仔。」提到緋聞女友李詩韻亦甚有古典味，他即尷尬笑說：「係咩？我幫你同佢講。（係咪拍拖？）我哋係非常好嘅螢幕情侶。（有機會做真情侶？）佢話最好做螢幕情侶。（拒絕你？）我唔知呀！」JC則反讚馬國明友善可愛：「佢好Nice，喺台上又教我嘢。（鍾意中國男仔？）曾經同中國男仔拍拖，只要佢哋Cute就得。」
