泰國政變，曼谷市爆發槍戰造成死傷，但寰宇電影投資、由劉青雲與江若琳主演的《完美童話》及郭富城主演的《B+偵探》，仍計劃下月及七月到當地開工，寰宇高層林小強說：「我相信政局會平息，彭發依家喺泰國為《完》片做緊籌備，佢話當地好安全。」記者昨日致電彭發，但至截稿前仍未獲回覆，而《B+》導演彭順則說：「仲有場Ending戲未拍，本來想喺市中心拍攝，依家要再諗，可能轉去郊區。（政變內亂令套戲使多咗錢？）實際使多幾多未計，保險公司又話唔保，又話要睇定啲先再傾條款，所以錢一定會使多。我同彭發喺MSN傾過，依家最頭痛係交通，出去做嘢好唔方便。」