同為歐米茄名人大使的任達華和琦琦昨晚盛裝打扮出席慈善晚宴，琦琦身穿她和Walter Ma共同設計的靚裙，坦言會和貴賓妮歌潔曼大談湊女經，她說：「佢真係Keep得好好、好高，身材線條好靚，之前喺上海見過佢，今次就會同佢傾吓湊女經，仲會問吓佢個女點解取名Sunday Rose，都會畀佢睇我個女嘅相。」
身邊的華仔否認攞正牌睇靚女，並向太太賣口乖，望着琦琦說：「呢個都好靚女呀！如果拍戲就會對望，但未有機會。」琦琦則說：「依家佢心目中靚女首位係個女，我只係第二位，要讓位嘞！」同場的惠英紅以上海灘中式打扮出現，講到「影后和影后會面」，小紅說：「佢勁好多，人哋係國際我係香港，好期待同佢見面，睇過佢好多戲。」小紅透露最近慢性聲帶發炎，日前媽媽更因心臟病發入院，一度停止呼吸，幸現在已無大恙。同場的嘉賓還有霍啟山、模特兒Jessica C.及Ana R.等。
