Ruffles（皺褶）元素去年熱爆時裝界，見今年夏天一眾女星仍穿上Ruffles衫裙可見這個熱潮尚未減退，時裝設計師陳刀大讚與金融才俊男友打得火熱的楊秀惠最識着衫，配搭功力一流！
楊秀惠
「佢識着衫，本身佢身形有啲大件頭，識揀件衫係可以遮到手臂同膊頭，會顯得冇咁大份，而褲、鞋、袋都係同一個色Tone，好靚，感覺好整齊。」
莊思敏 「飾」點綴
「條裙Design同佢身形都好靚，如果加啲Sparkling（閃亮）元素，好似一條黑寶石吊墜頸鏈同黑寶石長耳環，就會更加Elegant（典雅）。」
尹蓁晞 鞋累贅
「條裙嘅Print好靚，着得佢好有身段，不過上身爭啲嘢，建議加條銀鏈，對黑色高踭鞋亦略嫌累贅，應該揀對夏天嘅涼鞋。」
Selina 宜撞色
「S.H.E嘅Selina着得幾好睇，唯一係對鞋嘅問題，應該選擇銀色襯番條淺藍白色裙，撞番個Cool Tone出嚟，金色係Warm Tone，冇咁襯！」
唐嫣 太成熟
「裙款好老土，顯得佢太成熟，對鞋亦太冬天，改着白色高踭涼鞋，整體感覺會Cutie同Sweet啲。」
戴夢夢 冇身材
「條裙顯得佢冇身材，束條Belt可以有番身形，冇咁Flat，對鞋亦唔襯，換對輕便啲嘅黑色波鞋仲好。」
陳刀 Profile
時裝設計師陳刀畢業於香港理工大學，03年舉行首個個人時裝展，曾為樂隊I Love You Boyz、歌手麥家瑜、李卓庭等作形象及服裝指導。