鄭伊健、葉璇、陳小春及余安安主演的新片《飛砂風中轉》首映，吸引Eason及謝霆鋒撐場，氣氛熱鬧，電影以黑色幽默諷刺社團勢力，全場爆笑兼掌聲雷動。霆鋒現身後一直低調地躲在後台，但仍成為焦點，惟他沒有接受訪問。

Eason前晚出席首映禮，搶盡一眾主角風頭。

環球總公司（UMGI）老闆Max Hole（右）親自迎接Eason。

大老闆迎接

而Eason被追問有否見過霆鋒的「二少爺」Quintus？他笑說：「睇報紙咪睇過囉！我啱啱完成咗23場巡迴演唱會，聲帶都沙埋同傷咗，依家休息緊，影響咗錄音工作。」早前其英國站演唱，環球總公司（UMGI）的大老闆Max Hole亦親迎Eason，可見他的地位「舉足輕重」。

身為男主角的陳小春（左）和鄭伊健，風頭被蓋過。	面紅紅的陳子聰竟在台上爆粗。	葉璇身穿低胸裙出席首映禮。

至於電影男主角鄭伊健則坦言對票房沒有壓力，又打趣稱只要找到投資方，不介意與片中的媽媽余安安改演「姊弟戀」。問到舊愛梁詠琪剛剛宣布結束四年情，伊健起初支吾以對，最後才說：「我唔知呢件事，好少聯絡，最緊要佢開心啫！」

另外，陳子聰在台上接受司儀訪問時，竟當眾爆粗：「多謝導演同劉浩龍令我變戇X！」當時面紅如關公的他接受訪問時坦承：「啱啱搭飛機返嚟！喺飛機度飲咗啲酒！（《維多利亞壹號》票房麻麻？）三級都算係咁，成績好滿意喇！」