祖兒、白歆惠、蔡卓妍（阿Sa）及萬寧妹妹王允祈等昨日出席《感情品牌大獎頒獎禮》，祖兒表示早前與林峯拍MV時，曾跟允祈合作，提到王母笑女兒愛黐男仔，不過祖兒笑說：「唔係呀！佢有睬我，可能我冇佢咁靚啩！」隨後允祈到場，記者提議她們合照，不過允祈甫見祖兒行近，即扭計要爸爸抱抱，又伏在一旁不作聲，搞到天后祖兒「冇晒符」！

祖兒出盡冧招，可惜萬寧妹妹怕醜四圍匿。	萬寧妹妹。	白歆惠收起性感，另有韻味！

讚祖藍啱嘴形

祖兒表示早前以「客串」性質與阿Sa及林峯拍戲，經理人霍汶希即更正說：「你都係領銜主演，加咗你戲份o架！」原來是加了一場祖兒與林峯的咀戲，因戲中阿Sa與林峯都有咀戲！祖兒自爆事前曾問阿Sa「咀後感」，當時阿Sa做「OK」手勢，而祖兒笑言與林峯只是蜻蜓點水式接吻，並非「疊來疊去」：「最近嗰次咀戲已經係04年同霆鋒拍《魂魄唔齊》，我個嘴好肥，留番畀個啱嘴形先！我見王祖藍都係肥嘴嚟！」霍汶希即搞笑提議咀阮兆祥。

至於同獲「廣告代言人大獎」的阿Sa，被問到早前是否與新歡外遊？她擰擰頭說：「你介紹畀我？」但承認相約朋友去杜拜度假。而擔任頒獎嘉賓的白歆惠，力撐林志玲在日劇表現良好：「我希望同妻夫木聰合作！」