家強發火鬧爆林楚麒，圈中人議論紛紛，其Beyond隊友葉世榮說：「睇番報道，林楚麒都冇話自己係未亡人！（佢話梳起唔嫁？）我冇睇。家強對佢有意見可能有佢嘅原因，好睇林楚麒講過啲咩！」而黃貫中則說：「家駒過身後，我冇同Gina（林楚麒）聯絡過，一個女仔嫁唔嫁唔關我事！（家駒同Gina分手後仲有兩個女友？）個個Band仔都好多女友！我同家駒唔講私事，更加唔會逐個女友講！」
至於Gina經理人莫鎮賢則力撐：「希望佢（家強）清醒啲！每次都係記者問，Gina先講少少，佢要咁細路仔、咁激氣就激飽佢！我好肯定話畀大家知，Gina從來冇話自己係未亡人，邊有人會咁自稱o架！」而Beyond忠實歌迷盧巧音則說：「我同呢位小姐唔熟，冇意見！（有人借家駒宣傳？）如果佢要宣傳就自己去做，唔好借人過橋！」