任達華昨日與模特兒Mandy Lieu及Kama（羅凱珊）出席《酒之家》活動，華哥即場熟練地調雞尾酒，他說：「我以前讀酒店旅遊，當時好聰明，聞一聞已經認得係咩酒，仲好有創意攞唔同嘅酒溝咖啡。」雖然對酒有不少認識，但華哥平日只會淺嘗，慢慢享受，亦不會教女兒飲酒。世界盃下月舉行，華哥笑言邊飲酒邊睇波很配合，更趁機向老婆琦琦備案：「到時一定好多晚返唔到屋企，但世界盃係男人四年一度嘅大事。」同場的Mandy Lieu在馬來西亞長大，當地嚴厲管制未成年飲酒，故她年滿18歲後才和朋友到酒吧，她坦言甚少飲醉酒，更不會醉酒鬧事。
