前晚Race出席《Nine West 2010秋冬系列全球巡迴預展》第三站活動，密實上陣的她成為焦點，因她竟在普通妝容下，鼻子變得又挺又直！昔日拍照時常露出鼻孔，但前晚所見鼻頭變得有肉，且鼻孔不太外露，由於鼻子變得細長，連雙眼距離看來也變闊，雙眼皮較昔日明顯，眼部亦顯得較大，對於容貌有異，Race於截稿前未有回覆。活動上，Race自言愛買鞋，她透露最高的高踭鞋有十吋，並直言喜歡另一半比她高。

莊思敏瑞莎握手示好

此外，同場的港模莊思敏和台模瑞莎首度碰頭，莊思敏事前表明不認識對方，但仍應記者要求主動走近瑞莎，並握手示好，問到台模來港搶地盤，莊思敏說：「驚唔到咁多，年年都有唔同新人，上年有模，又有台灣幫。」她自言已轉型成功，希望殺入電影圈。至於瑞莎亦賣口乖說：「嚟香港做藝人係我嘅夢想，依家已經接咗部戲，99.9%會開拍！（搶港模飯碗？）唔好咁講，各有各犀利嘅地方。」她強調現時忙於工作，無暇拍拖。至於楊愛瑾（Miki）被問到Cookies或會重組，她表示OK，至於會否支持鄧麗欣再做隊長？Miki坦言現時她們不需要隊長。

瑞莎身穿露肩裙出席頒獎禮，性感迷人。

莊思敏（左）主動與瑞莎握手示好，友善大方。