孫耀威(Eric)同陳美詩嘅戀情最近終於曝光,小小So祝福佢哋開花結果,事關之前同Eric傾偈,知佢試過親自踢爆女友劈腿!
小小So:有冇試過女友對你唔專一?
Eric:有,嗰次真係好Hurt!
小小So:點解發現到?
Eric:可能呢啲就係紙包唔住火!嗰次我咁啱睇啲電話費單,畀我發現當時嘅女友踏入2月14號凌晨12點打去比利時。
小小So:你去過比利時做嘢咩?
Eric:就係我從未去過比利時,而情人節女友打出嘅電話唔係打畀我,係打畀第二個人!我問佢咩事,佢直認有第三者!我嗰刻好難接受,傷心到連工都開唔到!
Eric同小小So講嗰次好傷心,匿埋喺房狂喊,當時仲未係教徒嘅佢,Down到跪喺窗前祈禱,令佢心情平靜好多!