本文重點
潮模Angelababy昨日出席胡敏珊自家腕錶品牌Chouette活動，將於書展推出寫真的她透露已完成拍攝工作：「搞掂晒，今次喺關島影，對寫真集好有信心。（有乜噱頭？）反轉性感玩感性，你哋睇到相會好有感覺。」Baby又指寫真有陽光海灘，當然不乏泳衣照：「今次係我最後一本寫真，所以唔會擔心銷量。（咁快就話最後一本？）見好就收，我唔貪心，希望大家多啲支持。（今年有周秀娜又有Jessica C.，覺得邊個係你勁敵？）我都想睇佢哋嘅寫真，但唔會搵人哋做比較，只會做好自己本分。」
Baby因婆婆去世，日前請假三天到上海奔喪，她說：「喊咗一日，但之後眼淚味道一直存在，因為婆婆係我最親嘅人，由細湊大我，依家心情都OK，唔會影響工作。」至於緋聞男友黃曉明有否慰問，她即說：「我唔敢講佢嘅嘢，以免畀人話博宣傳。」對於有傳兩人已分手，Baby說：「傳聞嘅嘢係傳聞，我唔會回應。」她的工作忙得不可開交，而另一邊廂，黃曉明眼傷已經痊愈，並回到象山拍《趙氏孤兒》，戴上頭套的他造型曝光，有指他每天要花數小時「變裝」，每朝六時便起床，令他情緒有點崩潰。
拍廣告學西班牙舞
另外，一向有舞蹈底子的Baby早前獲Pizza Hut垂青邀拍廣告，她變身西班牙女郎大跳西班牙舞蹈，事前還特意請老師為她排舞，工作人員見她不停轉圈，眼花繚亂，亦戥她辛苦。除了跳舞，Baby亦在鏡頭前將熱辣辣的Pizza放入口中，連雙唇也辣紅，被工作人員取笑更加性感。